بسـم الكريـم اللـي عليـه اتكـالـي الـواحـد الـوهـاب رب الجـلالـي
الدايـم الـلـي مايجـيـه الـزوالـي الاهنـا المعبـود مــلاك الاكــوان
ابدى قصيـدي واجتهـد بالتواصيـف اوصـاف حق(ن)مالحقهـا تخاريـف
في اللابة اللي مجدهـا سنـه السيـف اعيال عامر لاحمـى الوقـت شجعـان
اعيال عامـر عزهـم فايـق النـاس فوق النجـوم وهيبتـه ترفـع الـراس
شامـخ ولاهـزه صعاليـك وانجـاس عليا هوازن من ضنـا قيـس عيـلان
ربعي هـل الطولـه ليـا عكـر الجـو منهـم زحازيـح العـرب ماتسـجّـو
من باس ربعـي روس الاقـوام هجّـو يامعانـد السبعـان لاشـك خـسـران
وياللي تبي تفصيـل ببـدى بتفصيـل هاك الوصوف وحلل الوصـف تحليـل
اربـع بطـون وكلبـوهـم حلاحـيـل نالوا الفخـر وافـي ولافيـه نقصـان
منهم زكورن بالوغـى تكسـر الحـوم منهو سمـع طرياهـم يقـول معلـوم
هـذول ربـع الطيـب والمرجلـه دوم اهل الكرم والجـود والسيـف شامـان
والعامـري بالطـيـب لا مانسيـنـاه وسهيـل معروف(ن)وصعـب نتعـداه
العامـري ماخـاب منـهـو تـرجـاه بالطيب جايـد دون شكـرن وعرفـان
ويمنى بني عْمرْ بالفخر تعتلـي فـوق كم فارسن من ضربهم صابه العـوق
والجار له فـي سلمهـم دايـم حقـوق يبقى بطـول الوقـت شامـخ ولاهـان
وذولا بني عْميـر الوفـا والمـروات اهـل الفعايـل والسيـوف الصقيـلات
رجالهـم ماهـاب نطـح الصعيـبـات ينطح شعيـب المـوت لوكـان مليـان
وتحت البطون اذكـر وصايـف قبايـل منهم زحول المجـد تشكـي الهوايـل
سادوا بنجـد الطيـب بـاروع فعايـل هـذا كـلام الحـق ماهـوب بهتـان
من الزكـور اذكـر عيـال القريشـي عدوهـم يمسـي بقلـبـه خريـشـي
كم شيخ قوم(ن) راح راسه طشيشـي من فعلهم لامـن غشـا الجـو دخـان
وعيال ثـور العـز ربـع الجزيـلات اهل الكـرم والجـود واهـل الحميـات
رجالهـم يثبـت ثبـات الـسـراوات من القرامه لاحمـى الوقـت سكـران
ايضا ولانسـى بالفخـر لابـة سويـد صنديدهـم ينطـح ثلاثيـن صنـديـد
يـوم المعـارك عندهـم كنـه العيـد ووقت الرخا للجـود عز(ن)وعنـوان
وخيالـة الشرفـا عيـال الحمـيـدي عزومهـم صلبـة سـواة الحـديـدي
الوصـف فيهـم بالمزايـا فـريـدي طيب المزايـا عمـت طيـور حـوران
وجود الشماسي بالمـدى فايـق الحـد فالعـد يتعـب راعـي العـد بالـعـد
ضـد المعـادي عزمهـم كنـه السـد عاداتهـم للطيـب والبـذل نيـشـان
الف ونعـم مليـون صيـت الرويبـي كم فارس(ن)ضرغـام منهـم عطيبـي
فـي جنبهـم يامـن جنـاب الغريبـي ويبدل الضيقـه بسعـد(ن) وسلـوان
وفريعنـي بالطيـب وافـي المـزايـا اهل الكـرم والجـود واهـل العطايـا
رجالهـم ينطـح سـهـوم المنـايـا لاجيت باوصفهم كما الذيـب سرحـان
ومجمَعـي راع الصـفـات الحمـيـده في الطيـب والنومـاس ياجيـد جيـده
في ساحـة الاجـواد عالـي رصيـده وعدوهـم مانـال يـاكـود خــذلان
وياللي تبي الخـوه هـذول المراغيـن ربع(ن)على مر الزمـن دوم صلفيـن
بغالـي الاثمـان للـجـود شـاريـن طبع الفتى فيهـم ولـو مـات ماخـان
واهل الوفا وقـت الشدايـد ليـا جـن ناس(ن)تسن الطيب في دربهـا سـن
رجالهـم لامـن فـزع مارجـع مـن اهـل الحمـيـه والـوفـا دوم وزران
والطيب ماينقـص جمـوع الجهومـي الغالبـيـن الراجحـيـن القـرومـي
رجالهـم بالهـوش يقضـي اللزومـي وصف الفتى فيهم كما طيـر شيهـان
وملوح مثـل الضلـع بالعـز راسيـن وافين لاجـا الليـن بالطيـب وافيـن
ووقت القسا والجـور لاشـك قاسيـن مايخلفـون الظـن لـو كـان ماكـان
ذول الزكـور وتـم وصفـي وقولـي والـدور للـي بالمـواقـف بطـولـي
العامـري للمـجـد دايــم يطـولـي مافيـه مثلـه بالشـدايـد كحـيـلان
منهم عيادين(ن)على الهوش ضاريـن وياكنهـم للطـيـب ربع(ن)موالـيـن
مافيـه بيـن النـاس مثـل العياديـن في جودهم يلفـون باصنـاف والـوان
واهل الكـرم والجـود لوهـو كليفـي رجالهـم بالطيـب مـالـه وصيـفـي
عدوهـم يمسـي بقلـبـه رجيـفـي دوم ونعـم مليـون بعيـال صيـفـان
واهل المراجل والكرامـه بنـي حْميـد رصيدهـم بالطيـب مـن دون تحديـد
ناس(ن)على حوض المنايـا مواريـد والخـوف عـن رجالهـم دوم شتـان
وقـواوده للطيـب والبـذل نـومـاس رجالهـم معـروف بالجـود والبـاس
والساس ياطيبه يالاجواد مـن سـاس ساس الوفا ساس الرجوله والاحسـان
وخيالـة الـهـدلا نـهـار التـحـدي عزومهـم فـوق العـوالـي تـعـدي
واللـي تحداهـم عـزومـه تـهـدي ذا بالعَجم لامـن زعـل كنْـه طوفـان
والطيـب بالقدعـا يفـوق الوصايـف وقت الوغى كم فرقـوا مـن ولايـف
وعند الشدايـد هـم ذرا كـل خايـف امشيديـن المجـد ثابـت بـالاركـان
وابـن الضعيفـي بالمواجيـب كامـل طبع الفتي فيهم علـى المجـد صامـل
وفي الطيب منهاجه ليـا مـن تعامـل ووقت المعارك يشعـل الجـو نيـران
والطيب كلـه والمراجـل بنـي عْمـر ناس(ن)تحوش المجد في كـل مظمـر
ورجالهـم منصـور لامـن تشـمّـر فـي حـزة الشـدات والنايبـه بـان
منهـم جبور(ن)يعشقـون العـوالـي مافيهـم اللـي مركـبـه بالتـوالـي
وان كـان نرجـع للسنيـن الخوالـي لاثـارت الهيجـا فلاشـك ظـفـران
وياحي صيت الطيب صيـت المديـري رجالهم ضربـه بسيـف(ن) شطيـري
كم شيخ قوم(ن) عقب عـزه كسيـري حظه رماه الشين فـي وسـط بركـان
وطاري العزيزي لاذكر طـاري الذيـب هَل الوفا والجـود واهـل المواجيـب
عدوهم مطواع غصب(ن) بـلا طيـب يرجـح فخرهـم لاتقـارن بمـيـزان
وان كان تبغى المجـد دوك العرينـات رجالهـم يحتـال شـيـل الثقـيـلات
مرقـاه دايـم فـوق روس الطويـلات طبع الفتى فيهم يجـي عالـي الشـان
وخيالـة العشـوا وسقـم المعـاديـن ريف الكرم والطيـب قـوم الجماليـن
فـي حـزة الهيـات مثـل المجانيـن ياكنّهـم للمـوت ربـعـن وخــلان
ومليح تلقـى الجـود والبـذل بمليـح اللي لهم فـي ساحـة المجـد ترجيـح
ناسن تحوش الطيب حوش الزحازيح وتارد على حوض الفخر ورد ظميـان
وصيت الفخر والعز صيـت الصميلـي فـي فزعتـه لاشـك مالـه مثيـلـي
لوكـان مايملـك يـاكـود القليـلـي مايحسبـون المـال ذربيـن الايمـان
وابن العلـي بالطيـب كامـل ووافـي لامن نخـي لاهـو كريـم(ن) سنافـي
وفعل العلـي بالكـون ماهـوب خافـي ضرب الفتى فيهم يجـي بيـن حجـان
وصيت النبيطي بالفخـر مالـه اشبـاه طبعه يجي فـوق السحـب دوم مرقـاه
اهل الكـرم والسيـف لاحـل مدعـاه نالوا الفخر والعـز فـي كـل ميـدان
والمجد والنوماس تاجـه بنـي عْميـر والوصف فيهم والمعانـي تجـي غيـر
من ضربهم كم شبّعـوا حايـم الطيـر وفي حـزة المـدات بلعـون كرمـان
منهـم نديـم الجـود راع الجـزايـل مفيلحـي طايـل علـى كـل طـايـل
فـي صفحـة التاريـخ تكتـب مثايـل للـي كرمهـم وافـي(ن)دون نكـران
والصندلـي ناخيـه يبشـر بفـزعـه وياسعـد منهـو باللقـا ذول ربـعـه
سمعة كرمهـم والوفـا طيـب سمعـه منهاجهم ثابـت علـى مـر الازمـان
والمكحلـي يازيـن طاريـه زيـنـاه مثل القصر شامخ على الـدوم مبنـاه
دوم ونعـم تنقـال لاحــل طـريـاه وفـي حـزة الاكـوان ماهـم بـذلان
والمشعبي راع العوالـي علـى طـول ويالي نشدت اتقـول هـاذول وش ذول
ذول الفتى فيهـم اذا ضـاق مسطـول مـن القرامـه لاقفـل كنْـه شيطـان
وهـذي قبايـل فــي ذراهاحمـايـل غيـر الفخايـذ والاسـر والعـوايـل
ذولا هـل الغلبـا ونـعـم السـلايـل تشهد لهم قبـل الاصاحيـب عـدوان
حنـا سبيـع اللـي نطـوّع عـدانـا ونفـزع لمنهـو بالشـدايـد لفـانـا
وحنـا سبيـع اللـي بعيد(ن)مـدانـا لنا بـدرب المجـد مسهـم وسلطـان
فقيرنـا كنّـه ملـك مــال قــارون يعطي ولو حاله تجـي دون فـي دون
أَجل هـل الامـوال بالجـود وشلـون نـاس(ن) عطاياهـم كمـا هـل ودان
اهـل الكـرم والجـود صبيـان غلبـا خذنـا المكـارم والتنومـاس غصبـا
كـم راس شيـخ(ن) لازعلنـا تدربـا لامـن تعزوينـا فـلا شـك فرسـان
هـذا ولانـكـر بالجـزيـره قبيـلـه كل(ن) خـذا عنـد المراجـل حصيلـه
اوصافهـم بالطيـب مـاهـي قليـلـه نالوا الفخـر وافـي ولافيـه جحـدان
حنـا الحـرار الساميـه والشهـيـره عند الوغى حنـا السيـوف الشطيـره
وكـل القبايـل درع يحمـي الجزيـره ولاتاقف السيسان مـن دون عمـدان
هـذا وصلـوا عــدّ دورات الايــام وعدّ البشر واعداد ماطايـر(ن) حـام
على الذي بالطيب هـو خيـر الاقـوام على النبـي الهاشمـي نسـل عدنـان
الجمعة نوفمبر 23, 2007 1:35 pm
