تدلل يا بعد عمري
يا حلو الفرح بعيونك
يبروز صورتك عندي
يعلقها على صدري
ويبقى طيفك الساحر
يعيش بداخل أحداقي
وأصير بعالمك ساهر
وأعاف النوم لا مني
تذكرتك .. تخيلتك
تجي دايم على الخاطر
وصوتك جال بأسماعي
مثل طيرٍ علي ردد
تعال اسمعني أغرد
لجل عينك أنا غنيت
من حروفٍ على دارك
وبسماتك منى عمري
تشتتني وتلملمني
وتنحت سطر في جفنك
بها كلمات منثورة
ونقطة حلوة في خدك
يقولوا عنها غمّازة
غصب تطلع مع البسمة
تهز بداخلي حاجة
ونظراتك .. على فكرة
خيالٍ من بعض سحرك
وأكثر شي يعجبني
إذا شافتني أتصفق
رموشك في وسط عينك
يا مالك قلبي وروحي
وأشواقي تناديلك
وتسأل عن عناوينك
وينك .. يا غلا وينك
كلامٍ قلته أبتكره
وأبيك تكون مفتكره
تدلل يا بعد عمري
يا حلو الفرح بعيونك
الخميس نوفمبر 22, 2007 5:57 pm
