للجد جد وكل شي ٍ وله دور
وللقول ردّ .. وافهمي ياذكيه
بعض الكلام يخلي افكاري اتدور
ويشبّ بعروقي الغلا والحميه
حنا البنات اقمار درٍ ٍ وبللور
يحلا بنا هالكون ويزود ضيه
معذور فينا هالكي ان صار مغرور
وان جا بنا .. زاد الحكي عنجهيه
وكان الشعر رجّال حنا له شعور
حنا القوافي والصور والهويه
عمرك سمعتي بشاعر ٍ صار مشهور ..!
من دون ماتسكن قصيده بنيـّه ..؟!
ودام الشعور شعور.. وصدورنا صدور
والحرف حرف .. وكلها ابجديه
منهو يشمّ العطر من قبلنا زهور
والغيــــــم مايثقلــــه غير ميّــه
وانا لفيت الشعر من خارج السور
واليوم شوفي جيت واجلس هنيه
شفت القصيدة باخره .. جيتها بحور
شوفي البواخر كيف ضاعت باديه
هدمت بيت الشعر وحطيت لي قصور
وسمّّعت باحساس الأنوثه دويه
بنت ٍ واعصر الشمس وآجدّل النور
صح ناعمة ..! بس المعاني قويه
واللي تقول نأجّر اليوم جمهور
تجي تشوف وجيه ناس ٍ نديه
بحضورهن جوّ المسا فاح بعطور
و قدّامهن يحلا السهر ويتهيا
ودام الحضور حضور.. فـ/ حضورنا حضور
يليق فيـــــه ويعتلي فوق زيّه
جينا عطر يثير احاسيس وطيور
معنا الاماني للقوب الطريه
حنا البنات اقمار وشعورنا شعور
حننا المعاني .. والقصيدة بنيّــه
الخميس نوفمبر 22, 2007 5:40 pm
