العتيبي طول عمره ماتخلى عن خويه

اعجبني شعر هذا الشاعر وحبيت ان انقلكم احدا قصدائده وهو الشاعر ماجد المقاطي العتيبي


ياسـلام الله علـى ربعـي رفيعيـن المقـامـي
ربعي اللـي صبيهـم لا ماتخلّـى عـن خويـه
ياسلامـي ياعتيبـه عـدَ مـاهـلّ الغمـامـي
و عدَ ماسـال الكحـل بعيـون وضّـاح الثنيـه
عدَ ماسارت جموع النـاس لـالبيـت الحرامـي
وعدّ ماشدّوا بني البـدوان مـن فـوق المطيـه
ربعي اللي دون فعل الطيـب يـروون الظوامـي
صيتهـم بيـن القبايـل عالـي ٍ ماشفـت زيّـه
كاسبين الطيب فـي يـوم المواقيـف العظامـي
واهني منهـو وقـف فـي صفهـم لا واهنيـه
حافظين العطفه أليـا نوّخـت وسـط الزحامـي
دونهـا لمـع السيـوف ولا يهابـون المنـيـه
دونها .. خيل ٍ تدك القـاع مـن فعـل الكرامـي
دونها النوماس يجري في عروق أهـل الحميـه
دونها .. كم راس شيخ ٍ طاح من ضرب الحسامي
كم قتيل ٍ قد تـوارى فـي ثـرى نجـد العذيـه
أشهـد انـه مـن نواهـم ماتهنّـى بالمنامـي
ماهجع فـي وسـط ليـل ٍ رقّـدوا فيـه البريّـه
خايف ٍ من يوم ٍ أقشـر ينفلـت فيـه اللجامـي
من فعـل ربعـي عليهـم تشتعـل نـار ٍ لظيـه
يوم كل ٍ بالمراجل عـن شـرف بيتـه يحامـي
كـالجبـال الراسيـه يمشـون قـدام السـريـه
من مدحهم فـي قصيـده أشهـد انـه مايلامـي
مكرميـن الضيـف دايـم بالسلـوم الحاتمـيـه
ومن زبن في وجههم لقى بهـم كـل احترامـي
الكرامه .. و .. الشجاعه ..و.. التواصيف الوفيّه
عزوتي .. ياتاج راسي سِعد من حطـك حزامـي
يلتجـي بـك بعـد ربـه بالليالـي السرمديـه
لو أبمدح فـي عتيبـه ماخلـص باقـي كلامـي
حيثهـا عجـزت توصفهـا الحـروف الأبجديـه
مابقـى الا جملـة ٍ خطيتهـا وسـط الظلامـي
( العتيبي .. طول عمره ماتخلّى عـن خويـه )


للشاعر ماجد المقاطي

ديوان الشاعر

(http://abyat.com/poem.php?uid=6449&id=27937)

هلا والله بالعتبان والنعم فيهم


كل شي ولا العتبان

ونعم في العتبان
صح لسانك يابوعبدالله

مشكورين وصح بدانكم ولاهنتو على المرور ونعم فيك جميع

صح لسانك ومشكوووووووووووووووووووور والنعم في عتابه