قــلــوب نــاصــعــة الــبــيــاض (1)

السلام عليكم ورحمة الله وبركاته
مقدمة
احيانا .. يوم ننصح بعض الشباب ... ونذكر لهم قصة من قصص السلف الصالح .. يرد عليك بعضهم ويقول
هذول الصحابة والسلف .... راح زمانهم .. هالزمن مافي مثل هذول الناس
ادري ان الصحابة رضوان الله عليهم مافي مثلهم .. لكن ... اهل الخير في كل زمان موجودين .. مازلنا أمة الإسلام .. والنماذج الطيبة موجودة حولنا في كل مكان
لجل كذا .. احيانا الواحد مضطر يحكي عن نماذج من حولنا .... وعن اعمالهم إلي ربنا يسرها لهم ويسر لنا أن نطلع عليها
رغم ان هذه القصة موجوده في شريط ( دمعة من هنا ودمعة من هناك ) ... والذي يحوي ايضا ( مكة المكرمة 45 كلم ) التي انتشرت بشكل كبير في المنتديات ولله الحمد ... إلا أنه لابد من نشرها .. لتعم الفائدة لكل من لا يصله الشريط فالفائدة هي الأهم .... ولولا أن كل شئ ساذكره قائم حتى الآن لما ذكرت ذلك ... واسأل الله أن يجعل أعمالنا وأعمالكم خالصة لوجهه الكريم
ينبع _ مكه _ رايح جاي


زميل وشخص عزيز طلب مني نطلع مكه ... واخبرني انه ناوي يسوي عمره عن ابوه الله يرحمه .. قلت خير .. حتى انا باعتمر عن ابوي .. نخليها يوم الجمعه ونصلي الجمعه هناك إن شاء الله

رحنا .. سوينا عمرتنا وإلي علينا بالخير .. وحنا راجعين إلا وصاحبي يهدي السرعة ..... سألته

خير

قال بدخل رابغ ( وهي قرية على الخط)

سألته ليش ... ويش عندنا في رابغ

قال .. بتشوف بعينك

دخلنا البلد وانا مستعجب .. إلا وصاحبنا وقف جنب سوبرماركت وقال ... انزل شيل معي لو تبغى الأجر
قلت اشيل ولا يهمك .. بس لمين

قال اسرة هنا .. ابوي الله يرحمه كان يتولاها دائما .. وما حبيت ان الخير ينقطع بوفاة الوالد .. وماني رايح اقطع صدقات ابوي ولو انه مات .... فأنا ومالي ملك أبي

قلت الله يجزاك كل خير .. وين الناس التي تبر ابوها كذا بعد الممات .. البعض الله المستعان يقاطع حتى اعمامه بعد وفاة ابوه ... وانت ما شاء الله عليك ... حتى سعي ابوك على هذه الأرملة ما وقفته

رحنا ودقينا على البيت ... خرجت امرأة عجوز .. سلم عليها صاحبنا وسلموا عليه الأطفال .. ( واضح انهم يعرفوه زين وانهم متعودين على جيته دايما ) .. وبعدين نزلنا الأغراض في الحوش ... واعطاها مبلغ من المال .. وجلست تدعي له ولأبوه بالرحمة

موقف جدا رائع .. يهز القلب بحق

مشينا .. كملنا الطريق ... إلا وقبل مستورة ( وهي قرية اخرى تقع على الخط ) بحوالي عشرة كيلو .. إلا وفيه ونيت غمارتين متوقف على جنب .. وفيه رجال شايب كبير في السن يأشر .. واهله داخل السياره

هدينا السرعة ووقفنا

خير يا عم

قال ابد .. الكفر مبنشر

ظنيننا انه طالما كبير في السن ما يقدر يغير الكفر .. خاصة ان اكبر عياله عمره حوالي 11 سنه

قلنا طيب ... هات الكفر الأحتياطي نغيره لك

قال ... حتى الإحتياطي مبنشر .. والعدة الي ترفع السيارة كمان خربانه ... مدري ويش فيها

مشكلة بمعنى الكلمة .. خاصة انهم منقطعين في الخط .. واسرة فيها نساء واطفال ... ويمكن حتى ماء ما معاهم

هذا الموقف لأي مسلم ... هو كنز من الحسنات .. لأنه من فرج عن مسلم كربة من كرب الدنيا فرج الله عنه كربة من كربات يوم القيامة ... كيف عاد اسرة كاملة في كربة !!!

اخذنا الكفر ... وقلنا له بنروح نصلحه في قرية مستورة .... وخاصة ان بيننا حوالي عشرة كيلوا فقط تقريبا ....
إلا والرجال قال

طيب خذوا الولد معاكم

قلنا له ... يا رجال ما يحتاج ... بعدين نتأخر ... ولا يصير ظرف تقلقوا عليه .. خلوه معاكم

قال ابدا .. خذوه معاكم

قلنا خير

إلا والولد يسأل ابوه

يبه .. ما عطيتني فلوس للكفر

رد عليه وكأنه احرجه .. قال هه ..... نسيت الفلوس ... ما جبت معي فلوس

رد خويي بسرعه .. اركب اركب .. بعدين وخير

وبعد ما مشينا .. إلا وخويي يسأل الولد

ما شاء الله عليك .. انت سنه كم ؟

قال .. اولى متوسط

قال خير .. طيب ابوك وين شغال ... ( عرفت انه يبغى يتحرى عنهم .. هل هم من مستحقي الصدقات ... ام فعلا الأب نسي الفلوس )

قال ما يشتغل .. مريض

قال ... خير إن شاء الله

وجلس يتحدث معاه احاديث جانبية ... لجل يتحرى عنهم أكثر وبعدين قال

الله يعينكم .. طيب .. ليه ما تغيروا هالكفر وترتاحوا .. ولا كل كفرات السيارة كذا

رد عليه الطفل بضحكه بريئة .. كل الكفرات كذا .. هذا احسنهم .... وكل يوم ندور خمسة ريال لجل نصلح كفر

ضحك صاحبنا بسرعه وقال خير إن شاء الله

وصلنا لمستورة .. ووقفنا عند اول محل كفرات .. ونزلت انا الكفر من السيارة .. إلا وصاحبنا يقول للعامل

حط كفر جديد نفس المقاس

إلا والولد يصرخ .. ليه جديد .. ما عندنا .. ابوي رايح يذبحني

رد عليه خويي .. اقول اسكت ولا كلمة .. انت معانا مجرد امانه لين نرجعك لأبوك .. والأمانة ماتتكلم ولا تهرج .. تراني عصبي .. فاهم

قال ... طيب

يـــــــــــــــــتـــــــــــــــــــــبـــــــــــــــــع

مشكووور

شكرا على

المرور يا الربع