قـصــيـده في سبيع الغلبا ....

قصيدة قديمة كتبت عن هذه القبيلة العريقة ..

آمل أن تنال اعجابكم


مناسبة هذه القصيدة موجوده داخل أبياتها






ياهيه أنا من عادتي ما أحني الراس....
إلا لربـي خاشـعٍ فـي سجـودي

اسجد لربٍ خالـقٍ كـل الأجنـاس.....
اللي بكاف ونـون كـوّن وجـودي

مانيب أدوّر عزتي من ورا النـاس.....
ماهوب رافع راسي ألا عضـودي
ربعي سبيع وفي ثرى نجد لي ساس....
ورثٍ ورثته مـن فعايـل جـدودي

غلبـا غلبنـا والثنـا مالـه قيـاس....
ياما أفترق منّـا جمـوع الجنـودي

وياما ارتون منّـا معاليـق يبّـاس.....
وبرماحنـا يامـا أمتلـنّ اللحـودي

عزّ الجنـاب وللقريبيـن حـرّاس....
ومدلّهيـن الجـار علـمٍ يـكـودي

ربعي هل الغلبا على قُب الأفـراس....
فعـلٍ موثّـق والخلايـق شهـودي

ماهيب كلمه تنكتب فـوق قرطـاس....
جتنا عقـب مـا يبّسـنّ الكبـودي

وألا أنت عرقك مع هل السو دسّاس....
الزم حـدودك لاتقـرّب حـدودي

ياهيه مالك مع هل الطيب مجـلاس.....
كفوك مع اللي ينقضـنّ الجعـودي

لاصار قدرك مع هل العرف ينداس.....
وشهي حياتك كان ماهـي سنـودي

أكبر مثل حطّه على البال نبـراس.....
(أم الثعال تخاف بطش الأسـودي)

رفيقي اللـي لا تكـدّرت ينحـاس....
اللي بفعلـه عـن كلامـه يـزودي

معدن ذهب صافي مهو لمعة نحاس.....
ولاهو من اللي بالرفاقـه زهـودي

رفقة نقا تبقى علـى قـوة البـاس.....
مثل اتحادة صف شعب السعـودي

مالي بخوة راعي الهـرج بـلاس.....
اللـي بحـزّات النعـاره شـرودي

فعلي مع أهل الطيب للطيب نوماس.....
وربعي مع أهل الجود دايم تجودي

وأن كان همّك بس هو حنية الراس.....
تبطي عظـم ألا بلحظـة سجـودي